"Dili baya.  Diutay ra mi," - Kael (now Atty Michael M. Lopez), in high school days, when 
told by a visitor  "Daghang gwapo sa Tanjay". 

       Once,when we were in Grade V,  I was asked by Gerardo Dacono, Jr,   then a known 
dinalunggan-eating classmate: "Ambi 'Dock, unsa may diferensya sa chewing gum ug sa plato?"  
        Kalayo ra sa tina-i's  manok, so I said: "Ambut." 
        "Ang plato," he explained very carefully, "imong ibutang ibabaw sa lamesa.  Ang 
chewing gum imong ipatapot ilalum sa lamesa." 

        "Time pa,  diha  baya 'toy estorya  kabahin atong tigulang, unsa ngani to? Kadto bang  baling  pangisug sa  dalaga niya, kay . . ., ada ambut, unsa gud to?" This was Fern Ann  in her usual  Cindy Crawford style of talking.  Then suddenly: "Ah, di-a ra diay:  
         Si Manoy guikan sa Pamplona mopa-uli na sa Tanjay.  May dala siyang itlog nga iya intawong  guisulod sa pinuntil, paper bag ba..   Pag-abut sa Abogon doul na sa lungsod, na-flat tire ang trak.  So nana-ug  ang driver ug conductor  kay ilang ilisan ang ligid.   Mihangyo si  Manoy sa iyang tupad nga dalaga, "Day, kupti unya ning akong itlog kay mangihi ko."  Bali  konong pangisug sa babaye. Buang pud tong bayhana. 

        Dihay Tanjayanong kinahanglang mosakay ug pedicab kay ga-ulan, apan pisos  ra ang iyang  kwarta - unya tag-dos man ang plete.  Nakahinumdum siya nga adunay driver nga libat (oo,  taga-Tanjay pud siya, unsa man di-ay), mao nga namason  siya  nga iyang makit-an.  Nahibaw-an  sa tibo-uk lungsod nga doble-bista si libat - pirming duha ang makita bisag usa ra.  
        Pila may estorya,  mi-agi ang driver nga libat nga wa'y pasahero.  Iyang gi-tawag, misakay  siya, ug sa pagkana-og niya sa iyang tugkaran, iyang gihatagan sa iyang pisos. 
        "Bay," matud pa sa driver, "kulang man ning imong plete." 
        "Unsa'y kulang?  Pila man di-ay na?" the passenger asked. 
        "Dos pisos", matud pa sa libat. 
        "Aw, nan, di 'sakto," the passenger said. 
        "Sakto unta sa usa pero," ug gui-totukan  siya sa libat, "duha man mo ka bo-uk!" 

        Gadali gy'ug lakaw sila si Betot ug si Isko guikan sa Tabuc kay mangadto sa bulangan sa  Ilawod.  Bag-o man gung sweldo, so may mga puhunan ang mga salbahis para i-bulang. Pag-abut  nila sa tatayan, nadungog nila ang dihal sa kampana sa simbahan.  Dayong ingon ni Betot, "Uy,  'Pare, Domingo man diay to-ud  'ron.   Dili ba ta usa manimba?" 
        "Ah, ikaw lang 'Pre, kay ako na-a man ko'y excuse.  Unya  ug na-a kay  maayong razon, 
pasaylo-on ra ta sa Guinoo." 
        "Ha?  Kay unsa may imong razon, Pare?" 
        "Si Ising intawon, Pare, akong asawa," subo intawon si Isko, "ta-as kaayo ug hilanat, na-a ra 
sa balay, dili ka bya-an".  

        Narrator: This is a story of patriotism, of the love and the nobility of  men willing to give  
their lives so that you and I may live in peace and freedom. (background music gradually  
fades . . .) 
        Kadtong gui-bombahan ang Pearl Harbor,   daghan kaayong mga Pilipino nga mi-boluntaryo 
pagka-sundalo.  Si Manoy Onyong  mi-adto gyud  sa   munisipyo.  
        Recruiting Officer:  Guikasubo namo, Manoy, apan tigu lang ka na para  mahimong sundalo. 
        Manoy Onyong:  Tino-ud, Sir, apan akong ihalad ang kata  pusang mga gutlo sa  akong kinabuhi alang sa akong yutang natawhan. 
        R.O.: Oo lagi, apan ang imong pagka-gulang . . . 
        M.O.: Aron ka masayud, Sir, sakop ako kani-adto sa Katipunan ka-uban ni  Andres  Bonifacio, Apolinario Mabini, ug gui-buntog namo ang  mga Katsila,  guina  mit lang ang among mga sundang, punyal, palakol . . . 
        R.O.: Oo lagi, 'Noy, apan lisud lagi na.  Tan-awa lang, wala  na gani intawon kay  tango! 
        M.O.: Tango?  Aw, kay unsa man di-ay ni karong gubata?  Pa-akanay?